ನನ್ನ ಪ್ರೀತಿಯ ಗುಲಾಬಿ

ಓ ನನ್ನ ಪ್ರೀತಿಯ ಗುಲಾಬಿ...
ಎಲ್ಲೆಡೆ ಸುಗಂಧವನ್ನು ಚೆಲ್ಲುತ್ತ, ನನ್ನ ಮನವಸೆಳೆದೆನೀನು.
ನಿನ್ನ ಅತಿಯಾಗಿ ಹಚ್ಚಿಕೊಂಡಿರುವ, ಮೆಚ್ಚಿಕೊಂಡಿರುವ ನಿನ್ನ
ಪ್ರೀತಿಯ ಮುಳ್ಳು ನಾನು.

ಏಕೋ ಕಾಣೆ, ನಿನ್ನನಗಲಿ ಬದುಕಿರಲಾರೆ ನಾನು.
ನಿನ್ನ ಅಗುಲಿದ ಬದುಕೂ, ಒಂದು ಬದುಕೇನು?
ಬಿಸಿಲು-ಮಳೆಗೆ, ಬಿರುಗಾಳಿ-ಚಳಿಗೆ ರೋಸಿಹೋದೆಯೇನು?
ಚಿಂತಿಸಬೇಡ ಒಲವೇ; ಸದಾ ನಿನ್ನ ನೆರಳಾಗಿರುವೆ ನಾನು.

ನಮ್ಮಿಬ್ಬರ ಈ ಮಧುರ ಸಾಮಿಪ್ಯವನ್ನು ಸಹಿಸುವರುಂಟೇನು?
ಸಹಿಸದೇ ಹೋದರೇ ನನಗೇನು?
ನಮ್ಮಿಬ್ಬರನ್ನು ಅಗುಲಿಸಲು ಬಂದರೆ ಮಾತ್ರ,ಅವರ ಕೈ ಸೀಳದೇ ಬಿಡುವುದಿಲ್ಲ ನಾನು.
ಇತಿ ನಿನ್ನ ಪ್ರೀತಿಯ ಮುಳ್ಳು!

~ಅರ್ಚನಾ ಕುರಟ್ಟಿ

ಪ್ರಕೃತಿ - ನೀನೇ ನಮಗೆ ಸ್ಪೂರ್ತಿ

ಪ್ರಕೃತಿ - ನೀನೇ ನಮಗೆ ಸ್ಪೂರ್ತಿ
ನಾವು ನಿನಗೆಸ್ಟೇ ತೊಂದರೆ ಕೊಟ್ಟರೂ ಎಲ್ಲವನ್ನು ಸಹಿಸುತ್ತಿ,
ಎಲ್ಲರಿಗೂ ಒಳ್ಳೆಯದನ್ನೇ ಮಾಡುತ್ತಿ.
ನೀನು ಅದೆಂತಹ ಪ್ರೇಮಮೂರ್ತಿ!

ಪ್ರಕೃತಿ, ನಾವೇನೇ ಮಾಡಿದರು ನೀನು ಸುಮ್ಮನೆ ಇರುತ್ತಿ ಅದು ನಿನ್ನ ಪ್ರಕೃತಿ.
ಆದರೆ ನಮಗೆ ಹಾಗಿರಲು ಆಗುತ್ತಿಲ್ಲ ಅದೇ ಪಜೀತಿ!
ಹೇ ಸಹನಾಮೂರ್ತಿ, ನೀನೇ ನಮಗೆ ಸ್ಪೂರ್ತಿ!

~ಅರ್ಚನಾ ಕುರಟ್ಟಿ

ಬೇಕು ಬೇಕು ಬೇಕು - ನೀನು ನನಗಿನ್ನೂ ಸಾಕು

ಬೇಕು ಬೇಕು ಬೇಕು- ನೀನು ನನಗಿನ್ನೂ ಸಾಕು.
ಏಕೆಂದರೆ ನನಗೆ ದೇವರು ಬೇಕು.
ದೇವರನ್ನು ಪಡೆಯಬೇಕಾದರೆ ಮನಸ್ಸು ಶಾಂತವಾಗಿರಬೇಕು.
ಮನಸ್ಸು ಶಾಂತವಾಗಿರಬೇಕಾದರೆ ಬೇಕನ್ನು ನಿಲ್ಲಿಸಬೇಕು ಮತ್ತು ದೇವರಿಗಾಗಿ ಹಂಬಲಿಸಬೇಕು.
ಎಲ್ಲವನ್ನು ಶ್ರುಸ್ಟಿಸುವ, ಎಲ್ಲವನ್ನು ಕೊಡುವ ದೇವರೇ ನಮಗೆ ಸಿಕ್ಕರೆ ಬೇರೆಯೇನುಬೇಕು?

~ಅರ್ಚನಾ ಕುರಟ್ಟಿ